Hər birimiz bir çiçək
07.06.2018-ci il tarixdə D.Cəbrayılov adına 119 nömrəli tam orta məktəbin ibtidai sinif müəllimi Əliyeva Fidan I C sinif şagirdləri ilə “Hər birimiz bir çiçək” adlı tədbir keçirtdi. Şagirdlər 1 il ərzində öyrəndikləri hərfləri, rəqəmləri hazırladıqları səhnəciklərlə nümayiş etdirdilər. “Meyvələrin söhbəti” adlı səhnəcik, “Qoğal” ın nağılı tamaşaçılar tərəfindən rəğbətlə qarşılandı. Kiçik fidanların ifa etdikləri “Naz eləmə” , “Şənlik” adlı rəqslər və vətənpərvərlik ruhunda söylədikləri şeirlərlə tədbirə xüsusi rəng qatdılar. Tədbirin sonunda məktəbin direktoru Mayılova Mətanət birinciləri 1 il ərzində qazandıqları nailiyyətlərə görə təbrik etdi. Onların qazandıqları bu nailiyyətlərdə Fidan müəllimənin böyük zəhməti olduğunu xüsusi vurğuladı. Tədbirin sonunda şagirdlər gözəl çıxışlarına görə “Tərifnamə” ilə təltif olundular.
