1 iyun - Uşaqların Beynəlxalq Müdafiəsi Günüdür
1 iyun - Uşaqların Beynəlxalq Müdafiəsi Günüdür. 1950-ci il iyunun 1-də BMT Baş Assambleyası tərəfindən təşkil olunan “Qadınların Beynəlxalq Konfransı”nda uşaq hüquqlarının təmin edilməsi ilə bağlı təkliflər səslənib və elə həmin tədbirdə də 1 iyun tarixini uşaqların beynəlxalq müdafiəsinə həsr etmək qərara alınıb. Bundan sonra iyunun 1-i Uşaqların Beynəlxalq Müdafiəsi Günü kimi tarixə düşüb. Dünyanın əksər ölkələrində olduğu kimi, bu gün Azərbaycandada qeyd edilir.
01.06.2018-ci il tarixdə məktəbimizdə də Validə müəllimənin rəhbərliyi ilə I B sinif şagirdləri bu günü özlərinə məxsus şəkildə qeyd etdilər. Şagirdlərdən Əliyev Yusif tədbiri açıq elan etdikdən sonra uşaqların ifasında biri-birindən maraqlı şeirlər, rəqslər, səhnəciklər nümayiş olundu. Uşaqlardan Xədicə, Nigar, Xan, Raul, Ramiz, Murad, Fatimə və başqaları azərbaycan, türk, rus və ingilis dillərində uşaq mahnılarını ifa etdilər.
Tədbirin sonunda məktəbin direktoru M.Mayılova 1 iyun Uşaqların Beynəlxalq Müdafiəsi Günü münasibətilə təbrik etdi, onlara firəvan gələcək arzuladı.
