Xocalı harayı
26 fevral 2018-ci il tarixdə Dərdayıl Cəbrayılov adına 119 nömrəli tam orta məktəbdə Xocalı soyqrımının 26 ilinə həsr olunmuş “Xocalı harayı” adlı tədbir keçirildi. Şagirdlər Xocalı faciəsinin ağrılarını, düşmənə qarşı nifrət hisslərini vətənpərvərlik ruhunda səsləndirdikləri şeirlər, mahnılar, işğal olunmuş torpaqlarımız və uğurlarımız haqqında ədəbi – bədii kompozisiyalar vasitəsilə ifadə etdilər. Bütün bu acılara baxmayaraq, millətimizin, xalqımızın əzmi yenilmir. Şagirdlərin çıxışı, həyəcanı bunu bir daha sübut etdi. Tədbirin keçirilməsində məktəb kollektivi, şagird və valideynlər yaxından iştirak etdilər. Tədbirin sonunda Xocalı faciəsində törədilən vəhşilikləri əks etdirən videoçarx nümayiş olundu, əl işləri və rəsmlərdən ibarət sərgiyə baxış keçirildi.
