Günəşimdir mənim dilim
21 fevral 2018 – ci il tarixdə Dərdayıl Cəbrayılov adına 119 nömrəli tam orta məktəbdə pedaqoji və şagird kollektivinin iştirakı ilə “Beynəlxalq Ana dili günü” nə həsr olunmuş “Günəşimdir mənim dilim” adlı tədbir keçirildi. Tədbiri giriş sözü ilə açan məktəbin təlim tərbiyə işləri üzrə direktor müavini Yaqut Quliyeva “Beynəlxalq Ana Dili Günü” nün tarixindən və özünəməxsusluğu ilə seçilən Azərbaycan dilinin keçdiyi inkişaf yolundan danışaraq Ana dilinin məktəblilərin milli – mənəvi dəyərlərinin zənginləşməsində, dünyagörüşünün genişlənməsində, öz soydaşları ilə ünsiyyət qurmasında və mükəmməl təhsil almasında mühüm rolunu qeyd etdi. Y.Quliyeva “Dilimiz çox zəngin və ahəngdar dildir, dərin tarixi köklərə malikdir. Şəxsən mən öz ana dilimi çox sevir və bu dildə danışmağımla fəxr edirəm” deyən Ümumilli Lider Heydər Əliyevin azərbaycan dilini dövlət dili səviyyəsində yüksəlməsində müstəsna tarixi xidmətləri olduğunu söylədi.
Tədbirdə şagirdlər ana dilimizə həsr edilən şeirlər müdrik kəlamlar mahnılar söyləyib, ədədbi – bədii kompozisiyalar nümayiş etdirdilər. Azərbaycan dilinin inkişafına həsr olunan video çarx nümayiş etdirildi.
