28 May Respublika gününə həsr olunmuş “Bilik yarışı”
25.05.2017-ci il tarixində D.Cəbrayılov adına 119 nömrəli tam orta məktəbdə riyaziyyat müəllimi Nigar Quliyevanın təşkilatçılığı ilə 28 May Respublika gününə həsr olunmuş riyaziyyat fənni üzrə “Bilik yarışı” keçirildi. Yarışda məktəbin VI A sinifinin “Səma” , VI B sinifinin “İdrak” , VII A sinifinin “Kainat”, VII B sinifinin “Zaman” komandaları iştirak etdilər. Komandalar arasında gedən gərgin mübarizədə məktəbin VI A sinifinin “Səma” komandası I yerə layiq görüldü. Qalib komandanın hər bir üzvü məktəb rəhbərliyi tərəfindən diplom və hədiyyələrlə təltif olundu.
