"Ana dili milli sərvətimiz, mənliyimizdir" adlı tədbir
21 fevral 2022-ci il tarixində D.Cəbrayılov adına 119 nömrəli tam orta məktəbdə “Ana dili milli sərvətimiz, mənliyimizdir” adlı tədbir keçirildi. Tədbir dövlət himninin səsləndirilməsi ilə başlandı. Tədbirdə məktəbin azərbaycan dili və ədəbiyyat müəllimi Muradova Nərgiz azərbaycan dilinin zəngin bir dil olması, təşəkkülü, ifadə zənginliyi, axıcılığı və sadəliyi, səlis ahəngi ilə dünyada ən şirin dillərdən biri kimi tanınıb şöhrətlənməsi, dilimizin inkişaf tarixi, keçdiyi yollar haqqında məlumat verdi.
Şagirdlərin ifasında X.R.Ulutürk, N.Xəzri, B.Vahabzadə və digər şairlərimizin şeirləri, ”Şirin dil” xalq mahnısı, ”Ana dilim”, laylalar səsləndirildi, öz dilimizdə danışmağın vacibliyini təbliğ edən tamaşa göstərildi.
