XOCALI SOYQIRIMINI UNUTMA!
1992-ci il fevralın 25-dən 26-na keçən gecə erməni təcavüzkarları Azərbaycanın Xocalı şəhərində bəşəriyyət tarixində ən qanlı faciələrlə bir sırada duran soyqırımı törətdilər. Bu faciədən 29 il ötür. Həmin kütləvi qırğın nəticəsində 106-sı qadın, 63-ü uşaq, 70-i qoca olmaqla 613 nəfər amansızlıqla qətlə yetirildi, 487 nəfər şikəst oldu, 1275 dinc sakin girov götürüldü, 155 nəfərin taleyi isə hələdə məlum deyil. Bu soyqırımı aktı nəticəsində 8 ailə tamamilə məhv edildi, 25 uşaq hər iki valideynini, 132 uşaq isə valideynlərindən birini itirdi. Hər il dünya azərbaycanlıları və ədaləti uca tutanlar Xocalı soyqırımı qurbanlarının xatirəsini anırlar.
26 fevral 2021-ci il tarixində D.Cəbrayılov adına 119 nömrəli tam orta məktəbdə ilk dərslər Xocalı soyqırımı qurbanlarının xatirəsinə həsr olunmuşdur. Karantin rejiminin tələbləri nəzərə alınmaqla məktəbdə Xocalı soyqırımına həsr olunmuş “ Müharibə uşaqların gözü ilə” adlı inşa, rəsm müsabiqəsi və sərgilər təşkil edilmişdir.
