“Ordumuzla fəxr edirik”
17 may 2016-cı il tarixində D.Cəbrayılov adına 119№li tam orta məktəbdə vətənpərvərlik və hərbi vətənpərvərlik tərbiyəsi mövzusunda “Ordumuzla fəxr edirik” adlı ədəbi-bədii kompozisiya keçirildi. Tədbir şəhidlərimizin xatirəsinin bir anlıq sükutla yad edilməsi ilə başlandı. Giriş sözü ilə çıxış edən məktəbin tarix müəllimi Hürzad Xanlarova aprelin 2 - 5 - dək Azərbaycan və Ermənistan silahlı qüvvələri arasındakı döyüşlərdə şəhid olan və xüsusi şücaət göstərən əsgər və zabitlərimiz haqqında məlumat verdi. IX-XI sinif şagirdlərinin ifasında vətənpərvərlik və hərbi vətənpərvərlik ruhunda yazılmış şeir və mahnılar səsləndirildi. 
