115 №-li tam orta məktəb

Cudo idman növü üzrə turnir.Məktəbin 8b sinif şagirdi Uğur Həsənli İkinci Qarabağ şəhidlərinin xatirəsinə həsr olunmuş CUDO idman növü üzrə turnirdə 14 -15 yaşlar arasında 46 kq çəki dərəcəsində I yerə layiq görüldüyü üçün kubok, diplom və medalla təltif olunmuşdur. Şagirdimizi təbrik edirik və gələcək yarışlarda uğurlar arzulayırıq!

“ZƏFƏR ZİRVƏSİ" Kikboksinq üzrə turnir”.Məktəbin 4c sinif şagirdi Həbibli Rəsul Cavad oğlu "ZƏFƏR ZİRVƏSİ" Kikboksinq üzrə turnirdə 28 kq çəki dərəcəsində I yer tutduğuna görə diplom və medalla təltif olunub. Şagirdimizi təbrik edirik və gələcək yarışlarda uğurlar arzulayırıq!

“Xarıbülbül Qoxulu Zəfər”07.11.2023-cü il tarixində məktəbin Azərbaycan dili və ədəbiyyat fənni üzrə metodbirləşmə sədri Yasəmən Mansurovanın təşkilatçılığı ilə “Xarıbülbül Qoxulu Zəfər” adlı tədbir keçirildi. Tədbir Azərbaycan Respublikasının Dövlət Himni ilə açıq elan olundu.Şəhidlərin xatirəsi bir dəqiqəlik sükutla yad edildi.Şagirdlərin hazırladıqları videoçarxlar izlənildi, şeirlər dinlənildi,vətənpərvərlik ruhunda mahnılar səsləndirildi, rəngarəng rəqslər nümayiş etdirildi və səhnəciklər göstərildi. Məktəbin Azərbaycan dili və ədəbiyyat müəllimi İradə Sədyarovanın Şuşaya həsr etdiyi şeiri maraqla dinlənildi. Tədbirin sonunda məktəbin direktoru Natəvan xanım Əsədova tədbirdə iştirak edən müəllim, şagird və valideyn kollektivini “Zəfər Günü” münasibətilə təbrik etdi. #elmvətəhsilnazirliyi #bsti #təhsilidarəsi #mekteb115