8 Dekabr Beynəlxalq Rəssamlar Günü qeyd edildi
8 Dekabr Beynəlxalq Rəssamlar Günü münasibətilə tədbir keçirildi.
Tədbirdə məktəbimizin istedadlı şagirdlərinin işlərindən ibarət geniş miqyaslı rəsm sərgisi təşkil edildi. Gənc rəssamların yaratdıqları bir-birindən maraqlı kompozisiyalar şagird və müəllim kollektivinin, rəhbərliyin marağına səbəb oldu. Şagirdlər rəsmlərində illüstrasiyalar, yeni il mövzusu, müxtəlif mənzərələr, natürmortlar və rəssamlar gününə aid kompozisiyalar təsvir etmişdilər. Sərgidə gənc rəssamlar və təsviri incəsənət müəllimi Pənahova Aybəniz kiçik yaşlı şagirdlərdə "face art" bacarığı nümayiş etdirdilər. Eyni zamanda tədbirin gedişi zamanı D.Səbinə (10b), Ə.Nərgiz (10a) sərbəst mövzuda akvarel texnikasında rəsmlər təsvir etdilər. Müxtəlif rəngkarlıq texnikalarında sərbəst işləyən şagirdlərimiz alqışlarla dəyərləndirildi.
