"Dəyirmi masa" keçirildi
“Naxçıvan Muxtar Respublikasının 100 illik yubileyinin qeyd edilməsi haqqında“ Azərbaycan Respublikası Prezidentinin Sərəncamının icrasından irəli gələrək “Dünyanın möcüzə və sirlərlə zəngin naxışı – Naxçıvana virtual səyahət” mövzusunda “dəyirmi masa” keçirildi. Tədbirdə məktəbin rəhbərliyi, müəllimlər və KA-nın üzvləri iştirak edirdi. Kiçik Akademiyanın üzvləri “İngiltərədən gələn qonağa” Naxçıvavan Muxtar Respublikasının tarixi, təbiəti, tarixi abidələri, milli geyim, yemək və rəqsləri haqqında apardıqları araşdırmalarını, hazırladıqları video çarxları təqdim etdilər. Naxçıvanın görkəmli şəxsiyyətləri haqqında maraqlı təqdimatlar nümayiş olundu. Gələn “qonağın” ingilis dilində verdiyi suallara şagirdlərin cavabları çox dolğun oldu. “Dəyirmi masa” çox səmərəli və məhsuldar keçdi. Həmçinin şagirdlər öyrənmək və mübadilə etmək, sual vermək və cavab almaq, müzakirə aparmaq və mövzu üzrə həmfikirlərini tanımaq kimi bacarıqlara da yiyələndilər.
