108 №-li tam orta məktəb

   Uşaq və gənclər arasında keçirilən "Molla Nəsrəddinin əfsanəvi müdrik dərsləri" adlı müsabiqəsinin mövzusuna əsasən 8ç sinif şagirdi Kərimova Zəhra tərəfindən divar qəzeti hazırlandı. Müsabiqənin əsas vəzifələri qeyri-maddi mədəni irsimizin hikmətli və yumorist təhlil nümunəsi olan Molla Nəsrəddin irsinin araşdırılması, güldürən və düşündürən Molla Nəsrəddin lətifələrinin dərin məntiqini uşaq və gənclər arasında təbliğ etmək , uşaq və gənclərin bədii- yumor zövqünün formalaşması və məktəblilərin asudə vaxtlarının səmərəli təşkilindən ibarətdir. Divar qəzeti şagirdlərin marağına səbəb olmuşdur.

   "Məhəmməd Füzuli aylığı" layihəsi çərçivəsində məktəbin foyesində şagirdlərə orta əsr Azərbaycan şairi, mütəfəkkir, filosof, Azərbaycan Ədəbiyyat tarixində divan janrının ən məşhur siması olan Məhəmməd Füzuli haqqında film nümayiş olundu. Daha sonra şagirdlər dahi şairin yazdığı alleqorik poeması olan "Meyvələrin söhbəti"ni izlədilər. Məktəbdənkənar və sinifdənxaric

işləri üzrə təşkilatçısı İlahə Quliyeva və Azərbaycan dili və Ədəbiyyat müəllimi Natavan Əliyeva Füzulinin yaradıcılığı, həyatı, əsərləri barədə geniş məlumat verdilər.

https://youtu.be/Wv-d0PUb5mQ?feature=shared

https://youtu.be/T7D6lAlECx0?feature=shared

  Dahi klassik Azərbaycan şairi Məhəmməd Füzulinin 530 illiyi çərçivəsində "Məhəmməd Füzuli aylığı" tədbirlər planına uyğun olaraq siniflərdə Məhəmməd Füzuliyə həsr olunan filmlər nümayiş etdirildi. Klassik şairin yaradıcılığından nümunələr göstərildi.

  Məktəbin psixoloqu Bayramova Tükəzban 9-cu sinif şagirdləri ilə "Qohumlararası nikahların fəsadları" mövzusunda görüş keçirdi. Görüş prosesində erkən nikah haqqında ümumi məlumat verildi. Slaydlar və videoçarx nümayiş olundu. Qohumlararası nikahın səbəblərini aydınlaşdırdılar və yarana biləcək fəsadları şərh etdilər. Genetik xəstəliklərin bəzilərinin bu səbəbdən yarandığını öyrəndilər. Şagirdlər də sonda fikirlərini bildirdilər.

  Məktəbin psixoloqu Bayramova Tükəzban 8 ci sinif şagirdləri ilə "Erkən nikahın fəsadları" mövzusunda görüş keçirdi. Görüş prosesində psixoloq erkən nikah anlayışını şərh etdi. Erkən ailə qurmağın fiziki, psixoloji, maddi problemlərini izah etdi. Görüş zamanı erkən nikahla bağlı slaydlar və videoçarx nümayiş olundu.