Heydər Əliyev irsinin öyrədilməsi
14 dekabr tarixində Bakı şəhəri Sabunçu rayonu üzrə Ulu öndər Heydər Əliyevin irsinin öyrədilməsi ilə əlaqədar “ Azərbaycanın dövlət müstəqilliyinin bərpa edilməsi XX əsrdə xalqımızın ən böyük nailiyyətidir” mövzusunda tədbir keçirildi. Tədbirdə məruzəçi- məktəbimizin tarix müəllimi Xatirə Şükürova çıxışında “Ümumilli lider Heydər Əliyevin Azərbaycanın dövlət müstəqilliyinin bərpa edilməsində ictimai- siyasi fəaliyyətindən danışdı.
Azərbaycanın çağdaş dövrünün yeni intibah mərhələsinin banisi olan Heydər Əliyev şəxsiyyəti tükənməz və öyrənildikcə öyrəniləsi bir dünyadır. Ulu öndər Azərbaycanın söykəndiyi dağdır. O dağın isə zirvəsi çox ucadır. Həmin uca zirvədən boylanan günəşin- Heydər Əliyev dühasının tükənməz nuru Azərbaycanın müstəqilliyinin əbədiliyinə , xalqımızın xoş sabahına daim işıq salacaq. Tədbirdə əbədiyaşar liderin zəngin həyatından, görkəmli fəaliyyətindən bəhs edən videoçarxlar nümayiş olundu.
