Ulu öndərin anım günü
Ulu öndər Heydər Əliyevin anım günü ilə bağlı məktəbimizdə silsilə tədbirlər keçirildi. Siniflərdə divar qəzetləri, guşələr, təşkilat saatları təşkil olundu. Görkəmli dövlət xadimi, dünya miqyaslı siyasətçi Azərbaycan xalqının “Ümummilli lideri” Heydər Əliyevin anım gününə həsr olunmuş tədbir keçirildi. Tədbir Dövlət himninin səslənməsi ilə başlandı. Ulu öndərin xatirəsi tədbir iştirakçıları tərəfindən bir dəqiqəlik sükutla yad edildi. Məktəbin tarix müəllimi Xatirə Şükürova çıxış edərək Heydər Əliyevin ictimai-siyasi fəaliyyətindən danışdı. Şagirdlər Ulu öndərə həsr edilən şeirlər səsləndirdilər. Dahi şəxsiyyətə həsr olunan videoçarxlar nümayiş olundu. Ümummilli lider Heydər Əliyevin guşəsinin önünə gül dəstələri qoyuldu.
