Müstəqil Azərbaycanın qurucusu
Ümummilli Lİder Heydər Əliyevin anadan olmasının 93-cü ildönümü münasibətilə məktəbimizdə müxtəlif tədbirlər keçirilmişdir. Belə ki, X-XI sinif sinif şagirdləri arasında "Heydər Əliyev və Müstəqil Azərbaycan" adlı inşa yazı müsabiqəsi keçirildi. "Heydər Əliyev irsini öyrənirik" mövzusunda dəyirmi masa və açıq dərslər oldu. Siniflərdə divar qəzetləri və bülletenlər buraxılmışdır.Məktəbin foyesində şagirdlərin əl işlərindən ibarət sərgi təşkil edilmişdir. Məktəbin həyətyanı sahəsində 30 ədəd şam ağacı əkilmiş və abadlıq işləri görülmüşdür. Azərbaycan Respublikası Gənclər və İdman Nazirliyi tərəfindən aparılmış "Heydər Əliyev və Müstəqil Azərbaycan" adlı inşa yazı müsabiqəsində iştirak etmiş 10c sinif şagirdi İmanova Firuzə Ayaz qızı diplom və sertifikatla təltif olunmuşdur.
