Son zəng
14 iyun 2019-cu il tarixdə məktəbimizdə “Son zəng” tədbiri keçirildi. Tədbiri giriş sözü ilə məktəbin direktoru Azər Həsənov açdı. O, məzunları, onların valideynlərini və qonaqları salamladıqdan sonra 2018/2019-cu tədris ili ərzində məktəb kollektivinin qazandığı nailiyyətlər barəsində ətraflı məlumat verdi. A.Həsənov müstəqil həyata qədəm qoyan məzunlara ürək sözlərini çatdıraraq hər zaman məktəbimizin adını uca tutmağı tövsiyə etdi. Tədbirdə müəllimlər, valideynlər çıxış edərək məzunları təbrik etdilər, onlara qarşıdakı sınaqlarda uğurlar dilədilər. “Son zəng“ tədbiri məktəblilərin hazırladıqları musiqili-bədii çıxışlarla davam etdi.
