Milli Qurtuluş Günü
13 iyun 2019-cu il tarixdə məktəbimizdə 15 iyun Milli Qurtuluş Gününə həsr edilmiş tədbir keçirildi. Tədbirdə ümummilli lider H.Ə.Əliyevin Azərbaycan xalqının dövlətçilik tarixində müstəsna rolu barəsində geniş məruzələr dinlənildi. Çıxışlarda qeyd edildi ki, H.Ə.Əliyev öz müdrik siyasəti, dönməz əqidəsi və tarixi uzaqgörənliyi sayəsində milli dövlətçilik ideyasının gerçəkləşməsinə nail olmuşdur. Tədbirdə dahi şəxsiyyətin titanik fəaliyyətini əks etdirən videoçarxlar nümayiş olundu. Şagirdlər ulu öndərə həsr olunmuş şeirlər və mahnılar ifa etdilər.
