Azərbaycanın qəhrəman övladlarının həyat və mübarizə yolu
Məktəbimizdə şagirdlərin vətənpərvərlik ruhunda tərbiyə olunması istiqamətində mühüm addımlar atılır. Bu məqsədlə may ayı ərzində şagirdlər tərəfindən Azərbaycan tarixinin qəhrəman övladlarının mübarizə yolunu əks etdirən divar qəzetləri və bülletenlər hazırlandı. Şagirdlər tərtib etdikləri qəzet və bülleten səhifələrində xalqımızın azadlığı uğrunda şəhid olan vətən övladlarının xatirəsinə həsr olunan yazılar dərc etdilər. Dərc olunan yazılarda yüzlərlə şəhidin qanı ilə suvarılan vətən torpaqlarının azad olunacağına, üçrəngli bayrağın əbədi olaraq dalğalanacağına inam hissi ifadə olundu.
