Vətənin qəhrəman oğulları
20.05.2019-cu il tarixdə məktəbimizdə “Vətənin qəhrəman oğulları” adlı tədbir keçirildi. Tədbirin keçirilməsi şagirdlərdə vətənpərvərlik ruhunun gücləndirilməsi məqsədi daşıyırdı. X sinif şagirdlərinin iştirakı ilə təşkil olunan tədbirdə igid vətən oğullarına həsr olunan təqdimatlar dinlənildi. Şagirdlər qəhrəmanlarımızın keçdiyi döyüş yolundan fəxrlə danışaraq qürur hissi keçirdiklərini diqqətə çatdırdılar. Qəhrəmanlıqları ilə Azərbaycan gənclərinə örnək olan vətən oğullarının xatirəsini heç zaman unutmayacaqlarına, onların yolunu şərəflə davam etdirəcəklərinə söz verdilər. Tədbirdə çıxışlarla yanaşı, xalqımızın qəhrəmanlıq tarixinə həsr olunan videoçarxlar da nümayiş olundu.
