Heç bir uşağı nəzərdən qaçırmayaq
Məktəbimizdə “Heç bir uşağı nəzərdən qaçırmayaq” mövzusunda tədbir təşkil edildi. Tədbirdə IV və VI sinif şagirdləri iştirak etdilər. Uşaq hüquqlarının müdafiəsi və uşaqların milli mənəvi ruhda tərbiyə edilməsi məqsədi ilə keçirilən tədbirdə çıxış edənlər mövzunun əhəmiyyətindən danışdılar. Ölkəmizdə uşaqların sağlam şəkildə böyüməsi, təhsil alması üçün yaradılan şəraitdən söhbət açdılar. Tədbirdə Uşaq Hüquqları Konvensiyası və onun ayrı–ayrı maddələri haqqında ətraflı məlumat verildi, videoçarxlar nümayiş olundu. Tədbirin keçirilməsi uşaq hüquqlarının müdafiə olunması, uşaqların hərtərəfli şəxsiyyət kimi formalaşdırılması baxımından böyük əhəmiyyət kəsb etdi.
