Azərbaycanın beynəlxalq idman yarışlarına ev sahibliyi etməsi
13.05.2019-cu il tarixdə məktəbimizdə “Azərbaycanın dünya reytinqli idman yarışları və siyasi tədbirlərə, incəsənət layihələrinə ev sahibliyi etməsi” mövzusunda tədbir keçirildi. Tədbirdə ölkəmizdə müxtəlif beynəlxalq tədbirlərin, eləcə də müxtəlif idman növləri üzrə yarışların yüksək səviyyədə təşkil olunduğu barəsində ətraflı məlumat verildi. Prezident İlham Əliyevin idmanın inkişafına və yetişməkdə olan gənc nəslə göstərdiyi xüsusi diqqət və qayğıdan bəhs olundu. Ölkəmizin mötəbər idman yarışlarına ev sahibliyi etməsinin idmanın kütləviliyinin artırılması sahəsində mühüm addım olduğu qeyd edildi. Tədbirdə idmançılarımızın beynəlxalq turnirlərdə qazandığı parlaq qələbələri əks etdirən videolentlərin nümayiş olunması respublikamızın idman ölkəsi olduğunu bir daha təsdiqlədi.
