Azərbaycan dili zəngin bir dildir
Məktəbimizdə VII sinif şagirdlərinin iştirakı ilə “Azərbaycan dilinin zəngin ifadə vasitələri poeziya, nəsr və elm dili olması, təkmil ədəbi dil səviyyəsinə yüksəldilməsi” mövzusunda tədbir keçirildi. Tədbirdə məruzə ilə çıxış edən şagirdlər dilimizin milli varlığımız olduğunu, xalqımızın tarixi keçmişini özündə yaşatdığını qeyd etdilər. Şagirdlərin ifasında səslənən şeirlər Azərbaycan ədəbi dilinin qılınc döyüşünü andıran kəskin mükalimələr dili olduğunu bir daha təsdiq etdi. Tədbirin sonunda Azərbaycan dili ilə bağlı videoçarx nümayiş etdirildi.
