1 Mart Ümumdünya Mülki Müdafiə Günüdür
1 Mart Ümumdünya Mülki Müdafiə Günüdür. Bu münasibətlə 01.03.2019-cu il tarixdə məktəbimizdə “ Uşaqların təhükəsizliyi-bizim məsuliyyətimiz ” adlı tədbir keçirildi. Tədbir məktəbimizin II, V-VIII və X, XI sinif şagirdləri, hərbiləşdirilməmiş dəstələrin iştirakı ilə təşkil olundu. Tədbirdə Ümumdünya Mülki Müdafiə Gününün tarixi barəsində şagirdlərin çıxışları dinlənildi. Çıxışlarda eyni zamanda ölkəmizdə Mülki Müdafiənin məqsəd və vəzifələri, bu sahədə aparılan məqsədyönlü işlər barəsində ətraflı məlumat verildi. Tədbirin mövzusuna uyğun olaraq uşaqların təhlükəsizliyini təmin etmək məqsədilə fövqəladə hallar zamanı uçqun və dağıntılar, yanğın təhlükəsi, dəm qazından zəhərlənmə, yol-nəqliyyat hadisələri və s. hallarla bağlı ilkin yardımın göstərilməsi formalarına dair məşqlər edildi.
