Xocalı harayı
25.02.2019-cu il tarixdə məktəbimizdə Xocalı faciəsinin 27-ci ildönümünə həsr edilmiş “Xocalı harayı” adlı tədbir keçirildi. Tədbir iştirakçıları 1992-ci il fevralın 25-dən 26-na keçən gecə Xocalıda baş vermiş dəhşətli faciə barəsində geniş məlumatlarla çıxış etdilər. Qeyd etdilər ki, Xocalı soyqırımı XX əsrdə erməni təcavüzkarları tərəfindən törədilmiş, ən ağlasığmaz dəhşətləri ilə tarixin yaddaşına həkk olunmuş bir faciədir. Tədbirdə cinayətkar erməni quldurlarının qəddarlığını əks etdirən fotoşəkillər, videolentlər nümayiş edildi. Xocalı qurbanlarının əziz xatirəsinə həsr edilən şeirlər və mahnılar ifa olundu. Şagirdlər dönə-dönə vurğuladılar ki, xalqımız Xocalı müsibətini heç vaxt unutmayacaq, onun günahsız qurbanlarının xatirəsini hər zaman ehtiramla yad edəcək.
