Həmrəylik Günü
28.12.2018-ci il tarixdə məktəbimizdə 31 Dekabr Dünya Azərbaycanlılarının Həmrəyliyi Gününə həsr edilmiş tədbir keçirildi. Akt zalında təşkil edilmiş bayram tədbirində məktəbimizin müəllim və şagird kollektivi iştirak etdi. Tədbirin aparıcıları tərəfindən Həmrəylik Gününün tarixi barəsində iştirakçılara ətraflı məlumat verildi. Bu günün qeyd olunmasının əhəmiyyətini əks etdirən videoçarxlar nümayiş olundu. Tədbir şagirdlərin maraqlı çıxışları ilə davam etdi. Xalqımızı milli birliyə, həmrəyliyə səsləyən şeirlər və mahnılar səsləndi, şux rəqslər ifa olundu. Tədbirin keçirilməsi şagirdlərdə milli-mənəvi dəyərlərə hörmət hissinin aşılanması, onların vətənpərvərlik ruhunda tərbiyə edilməsi baxımından mühüm əhəmiyyət kəsb etdi.
