Heydər Əliyev yolu xalqımızın azadlıq tarixidir
10.12.2018-ci il tarixdə məktəbimizdə ümummilli lider H.Ə.Əliyevin xatirəsinə həsr olunmuş “Heydər Əliyev yolu xalqımızın azadlıq tarixidir” adlı tədbir keçirildi. Tədbirdə dahi şəxsiyyətin ruhu bir dəqiqəlik sükutla yad edildikdən sonra şagirdlərin çıxışları dinlənildi. Çıxışlarda xüsusi qeyd edildi ki, dünya şöhrətli siyasi xadim H.Ə.Əliyevin dövlətimiz qarşısında misilsiz xidmətləri var. Ölkəmizin dünya birliyində özünəməxsus layiqli yer tutması, sürətlə iqtisadi-inkişaf yoluna qədəm qoyması məhz ulu öndərimiz H.Ə.Əliyevin adı ilə bağlıdır. Tədbirdə böyük siyasətçinin şərəfli ömür yoluna, titanik fəaliyyətinə həsr olunmuş videoçarxlar nümayiş edildi. Şagirdlərin ifasında göstərilən ədəbi-bədii kompozisiya H.Ə.Əliyev müdrikliyini, bənzərsizliyini bir daha sübut etdi.
