Ucalarda dalğalanan bayrağımız
9 Noyabr Dövlət Bayrağı Günü münasibətilə 08.11.2018-ci il tarixdə məktəbimizdə “Ucalarda dalğalan, bayrağımız!” adlı bayram tədbiri keçirildi. Tədbirin əvvəlində Azərbaycan Respublikasının Dövlət Himni səsləndirildi. Məktəbin tərbiyə işləri üzrə direktor müavini Oktay Musayev çıxış edərək məktəbdə tarixi və əlamətdar günlərin qeyd olunmasının ənənə şəklini aldığını, bu tədbirlərin şagirdlərin vətənpərvərlik tərbiyəsində xüsusi rolu olduğunu qeyd etdi. Şagirdlər Bayraq Gününün tarixi ilə bağlı məruzələrlə çıxış edərək bu əlamətdar günlə bağlı videoçarxlara tamaşa etdilər. Üçrəngli bayrağımızı vəsf edən şeirlər və mahnılar, xalqımızın milli ənənələrini özündə əks etdirən rəqslər tədbirə özünəməxsus rəng qataraq dinləyicilərə bir daha milli qürur hissi yaşatdı.
