Bilik Günü
15 sentyabr 2018-ci il tarixdə məktəbimizdə Bilik Günü münasibətilə bayram tədbiri keçirildi. Tədbir Azərbaycan Respublikasının Dövlət Himninin səsləndirilməsi ilə başlandı. Sonra məktəbin direktoru Azər Həsənov çıxış edərək bütün pedaqoji kollektivi, şagirdləri, xüsusən də bu gün ilk dəfə məktəbə qədəm qoyan birinciləri və onların valideynlərini yeni dərs ilinin başlanması münasibətilə təbrik etdi, gələcək təhsil illərində uğurlar arzuladı. Tədbirdə valideynlər və digər qonaqlar çıxış edərək öz ürək sözlərini bildirdilər. Bilik Gününün həyəcan və sevincini yaşayan birincilərin çıxışları iştirakçılar tərəfindən alqışlarla qarşılandı. Sonda yeni tədris ilinin başlandığını bildirən ilk zəng çalındı.
