Uşaqlar dünyanın sevincidir
31 may 2018-ci il tarixdə məktəbimizdə 1 İyun Uşaqların Beynəlxalq Müdafiəsi Günü ilə bağlı “Uşaqlar dünyanın sevincidir” adlı bayram tədbiri keçirildi. Tədbirin əvvəlində bu günün tarixi, keçirilmə məqsədi barəsində şagirdlərə geniş məlumat verildi. Çıxışlarda qeyd edildi ki, dövlətimiz uşaqların qayğısına qalmağı, onların fiziki və mənəvi cəhətdən böyüməsini təmin etməyi özünün ən ümdə vəzifələrindən biri hesab edir. Tədbirdə respublikamızda uşaqların müdafiə olunması və onlara qayğı göstərilməsi istiqamətində müxtəlif layihələrin həyata keçirilməsi ilə bağlı videoçarxlar nümayiş olundu. Şagirdlərin çıxışları – ifa etdikləri şeirlər, mahnılar, rəqslər, səhnəciklər dinləyicilərə xoş ovqat, əsl bayram sevinci yaşatdı.
