Azərbaycan dünyaya multikulturalizm nümunəsidir
“İnsan hüquqları” aylığı ilə əlaqədar 29.05.2018-ci il tarixdə məktəbimizdə “Azərbaycan dünyaya multikulturalizm nümunəsidir” mövzusunda dəyirmi masa keçirildi. Dəyirmi masada məktəbimizin V sinif şagirdləri iştirak etdilər. Şagirdlərə Azərbaycanda insan hüquqlarının qorunması, müdafiə olunması sahəsində müvafiq tədbirlərin keçirildiyi barəsində geniş məlumat verildi. Ölkəmizdə həyata keçirilən köklü iqtisadi, sosial və hüquqi islahatların təməlində insana qayğı və insan ləyaqətinə hörmət prinsiplərinin dayandığı qeyd edildi. Şagirdlər Azərbaycan Konstitusiyasının müddəalarını əsas gətirərək hər bir insanın hüquq və azadlıqlarının müdafiə edildiyini, Azərbaycanın dünyaya multikulturalizm nümunəsi olduğunu xüsusi vurğuladılar.
