100 ilin tarixçəsi
24.05.2018-ci il tarixdə məktəbimizdə Azərbaycan Xalq Cümhuriyyətinin yaranmasının 100 illiyi münasibətilə “100 ilin tarixçəsi” adlı tədbir keçirildi. Tədbirin əvvəlində möhtəşəm Dövlət Himni səsləndirildikdən sonra şagirdlərin çıxışları dinlənildi. 28 May Respublika Gününə həsr olunmuş tədbirin əsas iştirakçıları olan məktəbin X sinif şagirdləri xalqımızın istiqlal tarixini bir daha vərəqlədilər. Geniş məruzələrlə çıxış edən şagirdlər 1918-ci ilin 28 may günü Şərqdə ilk dəfə olaraq azad, demokratik, dünyəvi dəyərlərə söykənən respublikanın yaradıldığını fəxrlə qeyd etdilər. Tədbirdə Xalq Cümhuriyyətinin təşəkkül tapmasında böyük xidmətləri olan görkəmli şəxsiyyətlərin fəaliyyəti ilə bağlı hazırlanmış videoçarxlar nümayiş olundu.
