Azərbaycan Mülki Aviasiya Muzeyinə ekskursiya
12 Aprel Beynəlxalq Aviasiya və Kosmonavtika Günüdür. Bu münasibətlə 12.04.2018-ci il tarixdə məktəbimizin VII – X sinif şagirdlərinin iştirakı ilə “Azərbaycan Hava Yolları” QSC, Milli Aviasiya Akademiyasının Mülki Aviasiya Muzeyinə ekskursiya təşkil edildi. Muzeydə şagirdlər mülki aviasiyamızın dünəni və bu gününü əks etdirən əyani vəsaitlər, qəzet materialları, əlyazmalar, fotoşəkillər, bədii ədəbiyyat, təsviri sənət nümunələri və s. ilə yaxından tanış oldular. Muzeyin əməkdaşları tərəfindən məktəblilərə Mülki Aviasiya və Hərbi Aviasiya haqqında, eləcə də 100 illiyini qeyd etdiyimiz Azərbaycan Xalq Cümhuriyyəti dövründə aviasiya barəsində geniş məlumat verildi. Şagirdlərin muzeyə ekskursiyası milli-mənəvi dəyərlərimizi yaşatmaq, tariximizi, mədəniyyətimizi daha da dərindən öyrənərək, onların dünyagörüşünü inkişaf etdirmək baxımından böyük əhəmiyyət kəsb etdi.
