Mülki Müdafiə
04.04.2018-ci il tarixdə məktəbimizdə “Mülki Müdafiə Günü”nə həsr olunmuş geniş tədbir keçirildi. Tədbirdə “Mülki Müdafiə Günü”nün keçirilməsi barədə 06.01.2018-ci ildə verilmiş əmrin icrasına uyğun olaraq bütün şagird kollektivi, pedaqoji və işçi heyət iştirak edirdi. Tədbirin keçirilməsində məqsəd şagirdlərdə vətənpərvərlik tərbiyəsini gücləndirmək, Müki Müdafiəyə aid bilik və bacarıqlarını inkişaf etdirmək, rəhbər, komandir-rəis heyətinin MM tədbirlərini idarə edə bilmək bacarıqlarını təkmilləşdirmək, MM hərbiləşdirilməmiş dəstə üzvlərinin təbii fəlakətin və zəlzələ ocaqlarında əlbir işləmələri və kütləvi qırğın silahlarından müdafiə olunmaq üçün nəzəri bilik və bacarıqlarını artırmaq idi. Tədbiri MMQ-rəisi, təlim-tərbiyə işləri üzrə direktor müavini M.Ə.Osmanova açıq elan etdi. O, ölkəmizdə MM tədbirlərinin keçirilməsininin əhəmiyyəti haqqında danışdı. Şagirdlər “Mülki Müdafiə tədbirlərinin keçirilməsi planı”na uyğun olaraq kimyəvi silah və yanğın təhlükəsi zamanı zəruri olan bilik və bacarıqlarını nümayiş etdirdi. Hərbiləşdirilməmiş dəstələrin təbii fəlakət və fövqəladə hallar zamanı görəcəyi işlər nümayiş etdirildi. V – VI siniflərdə 4 aprel “Mülki Müdafiə Günü”nə həsr olunmuş açıq dərslər keçirildi. Müvafiq mövzular əsasında şagirdlər öz bilik və bacarıqlarını göstərdilər. Dərslərdə MM tədbirlərinə aid plakatlar, fərdi mühafizə vasitələri və şagirdlər tərəfindən hazırlanmış slaydlar nümayiş olundu.
