Novruzda bir gün
Xalqımızın uca tutduğu, ulu keçmişimizin milli-mənəvi dəyərlərini özündə əks etdirən, bolluq-bərəkət rəmzi olan Novruz bayramını hər bahar böyük sevinclə qarşılayırıq. Bu münasibətlə 19 mart 2018-ci il tarixdə məktəbimizin akt zalında “Novruzda bir gün” adlı geniş bayram tədbiri keçirildi. Bayram tədbirinin təşkilatçıları olan məktəbimizin X sinif şagirdləri Novruz bayramına xas olan adət - ənənələrimiz barəsində geniş məlumat verdilər. Onlar qeyd etdilər ki, Novruzun gəlişi yurdumuzda əsl təntənəyə çevrilir, el şənlikləri bir-birinin ardınca sıraya düzülür. Xalqımız qərinələr boyu yaşatdığı, təbiət oyananda sevinclə pişvazına çıxdığı əziz bayramını böyük coşqu ilə qeyd edir. Tədbirdə şagirdlərin ifasında bahar təravətli şeirlər və mahnılar səsləndi. Müxtəlif səhnəcikləri, milli rəqsləri məharətlə nümayiş etdirən şagirdlər dinləyicilərə xoş ovqat, əsl bayram əhval-ruhiyyəsi yaşatdılar.
