Xocalı faciəsi şagirdlərin gözü ilə
XX əsrin sonunda təkcə Azərbaycan xalqına deyil, bütün insanlığa qarşı ən ağır cinayətlərdən biri baş verdi. Həmin gün Xocalı şəhəri erməni hərbi birləşmələri tərəfindən yer üzündən silindi. Artıq bu faciədən 26 il ötür. Bu münasibətlə 20 fevral 2018-ci il tarixdə məktəbimizin foyesində “Xocalı şagirdlərin gözü ilə” adlı yaradıcı şagirdlərin əl işlərindən ibarət sərgi təşkil olundu. Sərginin keçirilməsində məqsəd Xocalı faciəsini yaddaşlarda təzələmək, erməni quldurlarının törətdikləri vəhşiliklərin ən ağır cinayətlərdən biri olduğunu bir daha diqqətə çatdırmaq idi. Sərgidə məktəbimizin xüsusi istedad və bacarığı ilə fərqlənən şagirdlərinin müharibənin, qanlı faciənin dəhşətlərini əks etdirən əl işləri nümayiş olundu.
