Xocalı qan yaddaşımızdır
1992-ci il fevralın 25-dən 26-na keçən gecə Qarabağın dilbər guşələrindən biri olan Xocalı şəhərində dəhşətli faciə törədilmişdir. Həmin faciədə amansızcasına qətlə yetirilmiş vətən övladlarının müqəddəs xatirəsini yad etmək məqsədilə 20 fevral 2018-ci il tarixdə məktəbimizin kitabxanasında “Xocalı qan yaddaşımızdır” adlı tədbir keçirildi. Tədbirin əvvəlində Xocalı şəhidlərinin əziz xatirəsi bir dəqiqəlik sükutla yad edildi. Şagirdlər vəhşi erməni quldurları tərəfindən bir gecədə 613 nəfərin xüsusi amansızlıqla öldürüldüyünü, 421 nəfərin yaralandığını, 1275 nəfərin ağır işgəncələrə məruz qaldığını, 147 nəfərin itkin düşdüyünü qeyd etdilər. Onlar çıxışlarında dönə-dönə vurğuladılar ki, bu faciə bəşər övladına qarşı törədilmiş genosid və etnik təmizləmə hadisələri içərisində ən dəhşətlilərindən biri olmuşdur. Tədbirdə şagirdlərin ifasında Xocalı qurbanlarına həsr edilmiş şeirlər səsləndi, səhnəciklər göstərildi. Dünya dəhşətlərini əks etdirən kitablardan ibarət sərgiyə tamaşa edildi.
