20 Yanvar – tariximizin qəhrəmanlıq səhifəsi
Azərbaycan xalqının tarixinə “ Qanlı Yanvar ” faciəsi kimi daxil olmuş 1990-cı il 20 yanvar hadisələrindən 28 il keçir. 17.01.2018-ci il tarixdə məktəbimizin akt zalında keçirilən geniş tədbir Vətən uğrunda canlarını fəda edən şəhidlərimizin əziz xatirəsinə həsr edilmişdir. Tədbirin əvvəlində Azərbaycanın müstəqilliyi uğrunda şəhidlik zirvəsinə ucalan oğul və qızlarımızın müqəddəs xatirəsi bir dəqiqəlik sükutla yad edildi. Şagirdlərin çıxışlarında qeyd edildi ki, 1990-cı ilin yanvar qırğını nə qədər faciəli olsa da, xalqımızın iradəsini, milli azadlıq uğrunda mübarizə əzmini qıra bilmədi. Həmin müdhiş gecədə həlak olan vətən oğulları Azərbaycanın tarixinə parlaq səhifə yazdılar, xalqın milli azadlığı müstəqilliyi üçün yol açdılar. Tədbirdə 20 Yanvar gecəsinin dəhşətli anlarını əks etdirən videolentlər nümayiş olundu. Gənc nəslin vətənpərvərlik ruhunda tərbiyə edilməsində örnək olan şəhidlərimizə həsr edilmiş səhnəciklər göstərildi, şeirlər və həzin musiqilər ifa olundu.
