Şəhidlər ölməz, Vətən bölünməz
1990-cı ilin 20 Yanvar gecəsi Azərbaycan tarixinə qanla yazılmış bir səhifədir. Bu tarix xalqımızın istiqlal yolunun ilk zirvəsi, milli məfkurəmizin azadlıq istəyinin oyanış günüdür. Bu münasibətlə 11 yanvar 2018-ci il tarixdə məktəbimizdə “Şəhidlər ölməz, Vətən bölünməz” adlı şeir müsabiqəsi keçirildi. Müsabiqənin keçirilməsində məqsəd xalqımızın demokratiya və milli azadlıq uğrunda mübarizəsini boğmaq istəyən, xalqı təhqir edərək ona mənəvi zərbə vurmağa çalışan düşmənlərin bəd əməllərini ifşa etmək, eyni zamanda mərd oğul və qızlarımızın müqəddəs xatirəsini yad etmək idi. Müsabiqədə şagirdlər faciənin dəhşətlərini, ağrı-acısını özündə əks etdirən şeirlər söylədilər. Düşmənə qarşı nifrət və qəzəblərini bədii nümunələrin köməyilə emosional duyğularla çatdırdılar. Sonda fərqlənən şagirdlər müsabiqənin qalibləri seçildilər.
