Operamızın ilk qadın ifaçısı
Azərbaycan opera sənətinin görkəmli nümayəndəsi Şövkət Məmmədovanın 120 illik yubileyi münasibətilə məktəbimizdə 8 dekabr 2017-ci il tarixdə “Şövkət Məmmədovanın Azərbaycan operasında rolu” mövzusunda ədəbi-bədii gecə keçirildi. Tədbirin əvvəlində şagirdlər Azərbaycanın ilk professional qadın müğənnisi - opera ifaçısı və müəllimi Ş.Məmmədovanın həyat və yaradıcılıq yolu barəsində məruzə etdilər. Azərbaycan Opera və Balet Teatrının səhnəsində dünya vokal sənətinin ən yaxşı ənənələrini milli musiqi xüsusiyyətləri ilə əlaqələndirdiyini qeyd etdilər. Tədbirdə videolentlərin köməyilə ifaçının “Arşın mal alan”, “Şahsənəm”, “Nərgiz” və s. operalarındakı çıxışlarından fraqmentlər nümayiş olundu. Milli musiqi alətlərində çıxış edən xalq rəqslərimizi məharətlə ifa etməyi bacaran şagirdlər tədbirə öz töhfələrini verdilər.
