Bülbül və Azərbaycan musiqisi
Azərbaycan professional vokal məktəbinin banisi, dünya şöhrətli musiqiçi Bülbülün “120 illik yubileyi” ilə əlaqədar məktəbimizdə silsilə tədbirlər keçirilir. Bu münasibətlə 22 noyabr 2017-ci il tarixdə “Bülbül və Azərbaycan musiqisi” adlı dəyirmi masa təşkil olundu. Dəyirmi masa iştirakçıları öz çıxışlarında qeyd etdilər ki, Bülbül Azərbaycan musiqi sənətini bütün yaradıcılığı boyu yorulmadan təbliğ etmişdir. Onun oxuduğu əsərlərdə olduqca aydın tələffüzə, gözəl diksiyaya malik ifaçılıq qabiliyyəti üzə çıxır. İştirakçılar onu da vurğuladılar ki, Bülbülün yaradıcılığı təkcə Azərbaycan bəstəkarlarının romans və mahnılarını, muğam və təsnifləri ifa etməklə məhdudlaşmır. O həm də dövrü mətbuatda çap olunmuş saysız-hesabsız məqalə və məruzələrin müəllifidir. Tədbirdə Bülbülün ifasında xalq musiqisinin ənənələrini özündə yaşadan mahnılar, muğam və təsniflər dinlənildi. Musiqiçinin şərəfli həyat və yaradıcılıq yolundan bəhs edən videolentlər nümayiş olundu.
