Mənim hüquqlarım
2 noyabr 2017-ci il tarixdə 1 c sinfinin sinif rəhbəri Sultanova Aynur Mir Ayaz qızı “Uşaq hüquqları” aylığı ilə əlaqədar “Mənim hüquqlarım” mövzusunda sinif təşkilat saatı keçirdi. Sinif təşkilat saatında Azərbaycan kinosu tarixində özünəməxsus yer tutan “Qaraca qız” filmindən fraqmentə baxıldı. Filmdə hüquqları pozulmuş qızın – Tutunun hansı hüquqlarının əlindən alındığı haqqında müzakirələr aparıldı. Şagirdlər “Uşaqlar bizim gələcəyimizdir” başlığı altında hazırlanmış slayda tamaşa etdilər. Slaydda müxtəlif şəkillər nümayiş etdirilərək uşaqların hansı hüquqlara malik olduğu vurğulandı. Həmçinin onlara “UNİCEF” haqqında məlumat verilərək qeyd edildi ki, bu təşkilat beynəlxalq səviyyədə uşaqların hüquqlarını qoruyur.
