Müstəqilliyimiz əbədidir
18 oktyabr Azərbaycanın Dövlət Müstəqilliyi Günüdür. Bu tarixi gün münasibətilə məktəbin akt zalında geniş tədbir keçirildi. Tədbirdə müstəqil Azərbaycanın şanlı dövlətçilik tarixi bir daha varaqlandı. Məruzələrdə 1991-ci ilin oktyabrında Azərbaycan xalqının XX əsrdə ikinci dəfə öz müstəqilliyini elan etdiyi, qanı bahasına alınmış azadlığı qorumaq yolunda xalqımızın nə qədər təzyiqlərə məruz qaldığı, lakin azadlıq aşiqlərinin gərgin əməyi və mübarizəsi sayəsində XX əsrin sonunda dövlət müstəqilliyini qoruyub saxlamağın mümkün olduğu vurğulandı. Tədbirdə nümayiş olunan videolentlər, şagirdlərin ifasında səslənən şeirlər və mahnılar xalqımızın azadlıq və müstəqillik mübarizəsi tarixinə qızıl hərflərlə həkk olunmuş 1991-ci ilin 18 oktyabrının hər bir vətəndaşın milli qürur hissi duyduğu, arzularının çiçək açdığı tarixi gün olduğunu bir daha sübut etdi.
