" Bilik Günü "
Çoxmilyonlu Azərbaycan xalqının təntənəli şəkildə bayram etdiyi 15 sentyabr – Bilik Günü bizim məktəbimizdə də böyük coşqu ilə qeyd edildi.Tədbiri giriş sözü ilə açan məktəbin direktoru bütün iştirakçıları, xüsusən də məktəbə ilk dəfə qədəm qoyan birinciləri ürəkdən təbrik edərək, keçən tədris ilində məktəbin qazandığı uğurların yeni dərs ilində də davamlı olmasını arzuladı. Tədbirdə gənc müəllimlərin, o cümlədən məktəbə qəbul olunmuş müəllimlərin andiçmə mərasimi də keçirildi. Sonda “Bilik Günü”nə və vətənimiz Azərbaycanın tərənnümünə həsr edilən şeirlər tədbiri daha da rəngarəng etdi.
