Şahin hərbi – idman oyunları
02.04.2024 – cü il tarixində Xəzər rayon məktəbləri arasında “Şahin” hərbi – idman oyunlarının rayon biriciliyi təşkil olundu. Xəzər rayon Gənclər və İdman İdarəsinin təşkilatçılığı ilə keçirilən yarışda məqsəd gənc nəslin hərbi vətənpərvərlik ruhunda tərbiyə olunması və hərbi xidmətə hazırlıq səviyyəsinin yüksəldilməsi idi. İştirakçı komandalar Bakı şəhər mərhələsində iştirak etmək üçün bacarıqlarını fərdi və komanda şəklində nümayiş etdirdilər. Hakimlərin heyətinin yekun qərarına uyğun olaraq məktəbimizin komandası I yerə layiq görülmüşdür. Komandamız diplom və kubokla mükafatlandırılaraq növbəti mərhələyə iştirak hüququ qazanmışdır.
