Elimizə bahar gəlir!
Qala Arxeoloji Etnoqrafik Muzey Kompleksi ərazisində Novruz bayramına həsr olunmuş şənlikdə məktəbimizin kollektivi də iştirak etdi. Novruz bayramı hər zaman Azərbaycanda xüsusi təntənə ilə qeyd edilib. Bu bayram milli adət-ənənələrin gələcək nəsillərə ötürülməsi və milli-mənəvi dəyərlərimizin qorunub saxlanılması baxımından əhəmiyyətli rola malikdir. Tədbirdə xalqımızın qədim tarixini əks etdirən Novruz bayramının tarixi, su, od, yel və torpaq çərşənbələrinin mahiyyəti haqqında ətraflı məlumat verildi, Novruz atributları nümayiş etdirildi. Şagirdlərimizin çıxışı tədbir iştirakçılarına əsl bayram ovqatı bəxş etdi.
