Tariximizi yaşadan muzey eksponatları
Milli – mənəvi sərvətlərimizin qorunub saxlanılması və gələcək nəsillərə çatdırılması yolunda üzərimizə düşən vəzifəni layiqincə yerinə yetirməyə çalışırıq. Bu məqsədlə məktəbimizdə fəaliyyət göstərən muzeyin xüsusi əhəmiyyəti var. Muzeydə xalqımızın çoxəsrlik tarixini, milliliyini özündə əks etdirən ekspanatlar qorunub saxlanılır. Qədim xalça nümunələri misdən hazırlanan müxtəlif formalı qablar əmək adamlarına məxsus alətlər – bir sözlə, tarixin şahidi olan əşyalar maddi – mənəvi xəzinəmizin zənginliyinin göstəricisidir. Əminliklə deyə bilərik ki, məktəbimizin bir guşəsində yer olan muzeydə saxlanılan nümayiş olunan hər bir eksponat uşaq və yeniyetmələrin milli ruhda böyüməsinə öz töhfəsini verir.
