Qanlı Yanvar
Məktəbimizin kitabxanasında 20 Yanvar şəhidlərinin əziz xatirəsinə həsr olunmuş “Qanlı Yanvar” adlı tədbir keçirildi. Əvvəlcə Azərbaycan Respublikasının Dövlət Himni səsləndirildi və şəhidlərimizin müqəddəs ruhu bir dəqiqəlik sükutla yad edildi. Tədbirdə kitabxana müdiri, Kitabxanaçı, UBR, Uşaqlarla məktəbdənkənar və sinifdənxaric tərbiyə işləri üzrə təşkilatçı və VI sinif şagirdləri iştirak etdilər. Kitabxanaçı Şəhla Rəsulova çıxış edərək 20 Yanvar Gününün Azərbaycan tarixinə təkcə faciəli gün kimi deyil, həm də milli müstəqillik uğrunda mübarizənin rəmzi kimi daxil olması barəsində geniş məlumat verdi. Şagirdlər öz çıxışlarında Qanlı Yanvar faciəsinə həsr olunmuş məruzələrdə tarixi faktları dilə gətirdilər və şənbə gününün qurbanlarına ithaf edilən şeirlər səsləndirdilər. Tədbir 20 Yanvar gecəsinin dəhşətlərini əks etdirən videoçarxın nümayişi ilə başa çatdı.
