“Kino klubu” nun yaradılması
Kino sənəti mədəniyyətimizin ən mühüm sahələrindən biridir. Cəmiyyət həyatının aktual problemlərinə diqqətin cəlb olunması, milli - mənəvi dəyərlərin yaşadılması, tarixi həqiqətlərin, əxlaqi keyfiyyətlərin təbliği baxımından kino güclü təsvir vasitəsidir. Bu amilləri nəzərə alaraq məktəbimizdə “Kino klubu” nun fəaliyyətə başlaması məqsədəuyğun hesab olundu. Təşəkkül tapdığı vaxtdan etibarən böyük inkişaf yolu keçən, xalqımızın mədəni həyatında özünəməxsus mövqe qazanan Azərbaycan filmlərinin vaxtaşırı olaraq şagirdlərə nümayiş etdirilməsi nəzərdə tutuldu. “Kino klubu” nun fəaliyyətinin məktəblilərinin dünyagörüşünün inkişaf etdirilməsi, onların bədii-estetik zövqünün formalaşdırılması, vətənə, millətə sevgi və hörmət bəsləməsi istiqamətində çox böyük əhəmiyyət daşıyacağına inam ifadə olundu.
