Bakı Zooloji Parkına ekskursiya
18.11.2023-cü il tarixində məktəbimizin IIIb sinif müəllimi Əskərova Məxrub həyat bilgisi fənnindən “Canlıların müxtəlifliyi” mövzusunda Bakı Zooloji Parkına ekskursiya təşkil etdi. Ekskursiya zamanı şagirdlər müxtəlif heyvanların yaşayış mühiti və qidalanması haqqında ətraflı məlumat əldə etdilər, qeydlər götürdülər. Şagirdlər dəvələrin hürgücləri, qutanların dimdiyindəki kisələri və başqa heyvanlar haqqında bilmədikləri məlumatları öyrəndilər. Onlar rəngarəng quşları, müxtəlif balıq növlərini, vəhşi heyvanları və digərlərini maraqla seyr edirdilər. Ekskursiyanın sonunda şagirdlər öyrəndikləri yeni məlumatlar əsasında heyvanları yaşadıqları mühitə uyğun olaraq qruplaşdırdılar.
