Rəsm sərgisi keçirildi
Məktəbimizdə 8 Noyabr Zəfər Günü və 9 Noyabr Bayraq Günü münasibətilə rəsm sərgisi keçirildi. Sərginin keçirilməsində əsas məqsəd şagirdlərdə vətənə məhəbbət hissini artırmaq, hərbi-vətənpərvərlik ruhunu təbliğ etmək və vətən müharibəsində şəhid olan qəhrəmanlarımızın əziz xatirəsini ehtiramla yad etməkdən ibarət idi. Şagirdlər rəngli boyalardan istifadə edərək Zəfər Günü və Bayraq Gününə dair gözəl rəsm əsərləri təqdim etdilər. Onların əsərləri sərgidəkilər tərəfindən böyük maraqla qarşılandı.
